GAAROODI NEWS NETWORK

Saalax Khashoggi:- Waan Cafinay Dadkii Dilay Aabaheen

Saalax Khashoggi: Waan cafinay dadkii dilay aabaheen

Saalax Khashoggi (Bidix) oo la kulmay Maxamed Bin Salmaan kaddib dilkii aabihiis

Wiil uu dhalay saxafagii la dilay ee Sucuudiga u dhashay Jamaal Khashoggi ayaa sheegay inay cafiyeen dadkii ka dambeeyay dilka aabihiis.

Saalax oo ku nool magaalada Jiddah, wuxuu barta Twitter-ka kusoo qoray sidatan ” Xilli lagu gudo jiro bisha barakeysan ee Ramadaan.waxaa xusuusanay hadalka Alle ee ah, haddii qofka uu cafiyo walaalkiis, doorbidana dib u heshiisiin, Ilaahey ayaa abaal marin doonaa”

“Haddii aan nahay wiilasha Jamal Khashoggi waxaan shaaca ka qaadeynaa in aan cafinnay kuwo dilay aabaheena si ilaahey uu abaal marin inoogu baddalo”

Khashoggi, oo dhaliili jiray boqortooyada Sacuudiga, ayaa lagu dilay 2018 gudaha qunsuliyada ay sacuudiga ku leeyihiin Istanbul .

Sirdoonka dalalka reer galbeedka ayaa waxay rumaysan yihiin in dhaxal-suge Maxamed Binu Salmaan uu amray dilka wariyahaasi, balse waa uu beeniyay Binu Salmaan.

Gaaroodi News Online – Nagala soo xidhiidh Emailkan:  GAAROODINEWSNET@GMAIL.COM