GAAROODI NEWS NETWORK

Tanzania oo isku dayeysa daminta dab ka kacay buurta ugu dheer Afrika

Tanzania oo isku dayeysa daminta dab ka kacay buurta ugu dheer Afrika

Kilimanjaro

Dadka ku nool agagaarka Buurta Kilimanjaro ayaa waxaa saameyn ku yeeshay dab ka kacay buurtaas oo ah tan ugu dheer Afrika.

Waaxda beeraha lagu nasto ee Tanzania (Tanapa) ayaa sheegtay inay socdaan dadaallo lagu daminayo dabkaas.

Weli lama oga waxa sababay dabkaas.

Holaca dabka ee ka baxaya buurta ayaa laga arkaa meel fog, sida laga soo xigtay wargeyska Citizen ee dalkaas.

Tanapa ayaa soo wadaagtay sawir laga soo qaaday buurta:

Wargeyska Citizen ee Tanzania ayaa sheegay in buurta oo aad u dheer darteed ay caqabad ku noqotay dadaallada ay wadaan bulshooyinka deggan agagaarka buurta.

Buurta Kilimanjaro waa tan ugu dheer Afrika, wuxuuna dhererkeedu gaarayaa 5,895 mitir (19,340ft

Gaaroodi News Online – Nagala soo xidhiidh Emailkan:  GAAROODINEWSNET@GMAIL.COM